Zebûr 82

Zebûra Asaf.

1 Li civata Xwedê, Xwedê radiweste,

Di nav îlahan de dadbariyê dike.

2 «Ma tê heta kîngê bi neheqî bidî biryar,

Ji bo xeraban bibî meyildar?

3 Li doza yê lewaz û sêwiyan binêrin,

Mafê bindest û feqîran biparêzin.

4 Yê lewaz û belengaz xelas kin,

Wan ji destê xeraban azad kin.»

5 Ji ber ku hûn nizanin û fêm nakin,

Û di tarîyê de digerin,

Hemû bingehên erdê dihejin.

6 «Min got, ‹Hûn îlah in,

Û hemû kûrên Yê Berz in!›

7 Dîsa hûnê wek mirovan bimirin,

Wek yek ji serokan, hûnê bikevin!»

8 Rabe ey Xwedê, rûyê erdê dadbar bike!

Çimkî hemû milet yên te ne.